ஐக்கிய மக்கள் சக்தியின் நாடாளுமன்ற உறுப்பினர் கலாநிதி ஹர்ஷ டி சில்வா, தான் புதிய அரசாங்கத்தினால் அமைச்சராக நியமிக்கப்பட உள்ளதாக வெளிவந்த செய்திகளை மறுத்துள்ளார்.
கலாநிதி ஹர்ஷ டி சில்வா உத்தேச சர்வகட்சி அரசாங்கத்தில் அமைச்சுப் பதவிகளைப் பெறுவதற்கு முனைந்துள்ளதாக கொழும்பு ஆங்கில ஊடகமொன்று செய்தி வெளியிட்டுள்ளது.
இந்த செய்திக்கு பதிலளித்த நாடாளுமன்ற உறுப்பினர் டி சில்வா, இந்த வதந்தியில் தம்மைப் பற்றிய குறிப்பை 100% மறுப்பதாக தெரிவித்தார். ஊகிக்கப்படும் நிலைப்பாடு தொடர்பில் அரசாங்கத்தின் எந்தவொரு உறுப்பினருடனும் தாம் கலந்துரையாடவில்லை எனவும் அவர் மேலும் தெரிவித்தார்.