இலங்கையின் மிக முக்கியமான கலாச்சார மற்றும் மத விழாக்களில் ஒன்றான எசல பெரஹெரா ஜூலை 30 முதல் ஓகஸ்ட் 9 வரை நடைபெறும்.
இந்நிலையில் எசல பெரஹெராவின் போது கண்டியில் ஜூலை 29 முதல் ஓகஸ்ட் 4 வரை இரண்டாம் தவணை விடுமுறைக்காக பாடசாலைகள் மூடப்படும் என்று கண்டி வலயக் கல்வி அலுவலகம் அறிவித்துள்ளது.
அதன்படி, வலயத்தில் உள்ள அரசு மற்றும் அரசு உதவி பெறும் சிங்கள மற்றும் தமிழ்ப் பாடசாலைகளுக்கு இரண்டாம் தவணை விடுமுறைகள் ஓகஸ்ட் 8 முதல் ஆகஸ்ட் 17 வரை இருக்கும், அதே நேரத்தில் முஸ்லிம் பாடசாலைகளுக்கு ஓகஸ்ட் 20 முதல் ஆகஸ்ட் 24 வரை விடுமுறை அளிக்கப்படும்.
பாடசாலை அதிபர்களுக்கு வெளியிடப்பட்ட சிறப்பு சுற்றறிக்கையில், ஜூலை 29 முதல் ஓகஸ்ட் 7 வரை தேர்ந்தெடுக்கப்பட்ட பாடசாலைகள், பாதுகாப்புப் பணியாளர்களுக்கான தங்குமிடமாகப் பயன்படுத்தப்படும் என்று வலயக் கல்வி அலுவலகம் தெரிவித்துள்ளது.
தவறவிட்ட பாடசாலை நாட்களை ஈடுசெய்யும் திட்டத்தை சமர்ப்பிக்குமாறு வலயக் கல்வி பணிப்பாளர் அனைத்து அதிபர்களுக்கும் அறிவுறுத்தியுள்ளார். அதேசமயம் இதில் கூடுதல் வகுப்புகள் நடத்தப்படுமா என்பதும் அடங்கும்.
மேலும் ஓகஸ்ட் 5, 6 மற்றும் 7 ஆம் திகதிகளை உள்ளடக்கிய பாடசாலை விடுமுறையை நீட்டிப்பது அவசியமா என்பதை தெளிவுபடுத்துமாறும் அதிபர்களிடம் கேட்டுக் கொள்ளப்பட்டுள்ளது.