உடலில் உள்ள கொழுப்பை குறைக்கும் ப்ரோக்கோலி சூப்

(உடலில் உள்ள கொழுப்பை குறைக்கும் ப்ரோக்கோலி சூப்)

தேவையான பொருட்கள் :

ப்ரோக்கோலி – ஒரு கப்,

காய்கறி வேக வைத்த தண்ணீர் – 4 கப்,
வெண்ணெய், சோள மாவு – தலா ஒரு டேபிள்ஸ்பூன்,
வெங்காயம் – ஒன்று,
தைம் இலை (Thyme leaf) – சிறிதளவு,
கொத்தமல்லி, துருவிய சீஸ் – சிறிதளவு,

செய்முறை :

வெங்காயம், கொத்தமல்லியை பொடியாக நறுக்கி கொள்ளவும்.

ப்ரோக்கோலி நன்றாக சுத்தம் செய்து துண்டுகளாக்கி வைக்கவும்.

கடாயில் வெண்ணெயை சேர்த்து, உருகியதும் நறுக்கிய வெங்காயத்தை போட்டு வதக்கி, உப்பு, மிளகுத்தூள் சேர்த்து மேலும் வதக்கவும்.

இதனுடன் தைம் இலை (Thyme leaf) சேர்த்து, நன்கு வதங்கியவுடன் சோள மாவு சேர்த்து வறுக்கவும்.

பச்சை வாசனை போனதும் காய்கறி வேக வைத்த தண்ணீர் சேர்த்து கட்டியில்லாமல் கிளறிக் கொண்டு இருக்கவும்.

பிறகு ப்ரோக்கோலி சேர்த்து வேகவிடவும்.

மிகவும் கெட்டியாக இருந்தால் சிறிது தண்ணீர் ஊற்றவும்.

வெந்தவுடன் ஆற வைத்து, மிக்ஸியில் ஒரு சுற்று சுற்றி எடுத்து, மறுபடியும் அடுப்பில் வைத்து கொதி வந்தவுடன் இறக்கி… துருவிய சீஸ், கொத்தமல்லி சேர்த்து, கப்பில் ஊற்றி பரிமாறவும்.